महिनावारी हुँदा त्रिपालभित्र सुतेकी महिला र बालिकाको ढुंगा लागेर मृत्यु
अछामको पञ्चदेवल बिनायक नगरपालिका वडा नं ८ बारलामा पहिरोमा आएको ढुंगा लागेर दुईजनाको ज्यान गएको छ ।
महिनावारी भएर घर नजिकैको बारीमा त्रिपाल टाँगी सुतेको अवस्थामा माथीबाट पहिरोमा आएको ढुंगा लागेर ३५ बर्षिया निम खनाल र ७ बर्षिया कविता भण्डारीको घटनास्थलमै ज्यान गएको अछाम प्रहरीले जानकारी दिएको छ ।
संगै सुतेकी कबिताकी आमा रत्ना भण्डारी भने गम्भीर घाईते भएकी छन् । उनको टाउकोमा गहिरो चोट लागेको छ । निम र रत्ना केहीदिन अघी महिनावारी भएकी थिईन् ।
कबिता पनि आमासंगै त्रिपालमा सुत्दै आएकी थिईन् । घाईते भण्डारीको अहिले स्थानिय स्वास्थ्य चौकीमा प्राथमिक उपचार भईरहेको छ ।
तपाईको कमेन्ट लेख्नुहोस्