माओवादी केन्द्रीय समितिमा अध्यक्ष प्रचण्डको निरन्तर आलोचना, आज पनि बस्दै बैठक
( नेकपा ९माओवादी केन्द्र ) को केन्द्रीय समितिको चौथो पूर्ण बैठक आज पनि बस्दै छ । बुधबारदेखि सुरु बैठकको तेस्रो दिन हिजो ६८ केन्द्रीय सदस्यले धारणा राखेका थिए । कमलादीस्थित नेपाल प्रज्ञा प्रतिष्ठानमा बिहान ११ बजेपछि निरन्तरता पाउने बैठकमा आज बाँकी सदस्यले बोल्ने छन् ।
पार्टी अध्यक्ष एवं प्रधानमन्त्री पुष्पकमल दाहाल ‘प्रचण्ड’ ले पेस गरेको ‘वर्तमान परिस्थिति र पार्टीका प्रमुख कार्यभारहरू’ शीर्षकको राजनीतिक एवं सङ्गठनात्मक प्रस्तावमाथि हिजोको बैठकमा केन्द्रीय सदस्यले धारणा राखेको प्रवक्ता कृष्णबहादुर महराले जानकारी दिए ।
महराले भने, ुअध्यक्ष ‘प्रचण्ड’ ले प्रस्तुत गर्नुभएको प्रस्तावको मूल मर्मभित्रै रहेर सदस्यहरुले धारणा व्यक्त गर्नुभयो, अधिकांश सदस्यले पार्टी रुपान्तरण, जनतालाई पार्टीसँग जोड्नुपर्नेमा नेतृत्वको ध्यानाकर्षण गराउनुभयो ।ु
सबै केन्द्रीय सदस्यले पार्टी जनताको माझमा जानुपर्ने, प्रतिबद्धताअनुसार काम गर्नुपर्ने, पार्टी निर्माण र विस्तार गर्नुपर्छ भन्नेमा जोड दिएका थिए ।
बुधबारदेखि सुरु भएको बैठकमा बिहीबारसम्म ७४ जनाले अध्यक्षको प्रस्तावमाथि धारणा राखेका थिए । बैठकमा बोल्नका लागि प्रत्येक केन्द्रीय सदस्यका लागि पाँच मिनेटको समय प्रदान गरिएको छ । बैठकमा तीन सय ८७ पूर्ण र एक सय ९६ वैकल्पिक केन्द्रीय सदस्य, अनुशासन, लेखा र निर्वाचन आयोगका ४१ सदस्य तथा सात भौगोलिक र तीन गैरभौगोलिक गरी १० प्रदेशका ९० पदाधिकारीको सहभागिता छ ।
थप समाचार
ताजा खबर
तपाईको कमेन्ट लेख्नुहोस्