अछामको तुर्माखाँद गाउँपालिकाले आर्थिक वर्ष २०८२/०८३ मा शिक्षा तथा खेलकुद क्षेत्रका लागि कुल बजेटको ३८.६७ प्रतिशत बजेट बिनियोजन गरेको छ ।
गाउँपालिका अध्यक्ष डम्बर बहादुर बिसिले सामाजिक संजाल फेसबुकमा आर्थिक बर्ष २०८२/०८३ मा शिक्षा तथा खेलकुद क्षेत्रमा ५ करोड ७३ लाख ४ हजार अर्थात कुल बजेटको ३८.६७ प्रतिशत बजेट विनियोजन गरेको उल्लेख गर्नुभएको छ ।
विद्यालय क्षेत्र सुधार प्रा.वि निमावि र मा.वि तलब भत्ताका लागि १ करोड ९२ लाख ३७ हजार छुट्याइएको छ । प्रारम्भिक बालविकास सहजकर्ता र विद्यालय ब्यवस्थापन , कर्मचारी ब्यवस्थापन अनुदानमा १ करोड २६ लाख ३६ हजार बिनियोजन गरिएको छ ।
स्थानिय पाठ्यक्रममा आधारित कक्षा २/३ को पाठ्यपुस्तकका लागी ९ लाख बिनियोजन गरिएको छ । पालिका स्तरिय नमुना बिद्यालयहरुका लागि १० लाखको ब्यवस्था गरिएको छ । वार्षिक परीक्षा संचालनका लागी १५ लाख छुट्याइएको बजेट सिलिङमा उल्लेख छ ।
बिद्यालयहरुलाइ परीक्षा संचालन तथा ब्यबस्थापन अनुदानका लागि २ लाख ५० हजार , सिमान्तकृत दलित जनजाती तथा अपाङ्ग बर्गका बिद्यार्थिलाई ३ लाख , प्राबिधिक तथा उच्च शिक्षा अध्यायनका लागि छात्रबृद्धी ६ लाख , सिकाइ उपलब्धी उत्कृष्ट भएका बिद्यालयलाइ अनुदान १ लाख , एस.इइ मा उत्कृष्ट नतिजा ल्याउने बिद्यालयलाइ अनुदान १ लाख ५० हजार , उत्कृष्ट शिक्षक अनुदान प्रोत्साहन १ लाख ५० हजार लगायत अरु विभिन्न शिर्षकमा बजेट बिनियोजन गरिएको अध्यक्ष बिसिले उल्लेख गरेका छन ।
संविधानले शिक्षालाई मौलिक हकको रूपमा स्वीकार गर्नुका साथै निशुल्क तथा अनिवार्य आधारभूत शिक्षा र निशुल्क माध्यमिक शिक्षालाई राज्यको पूर्ण दायित्वभित्र राखेको छ ।
यसका लागि तुर्माखाँद सरकारले हरेक वर्ष सार्वजनिक बजेटको ‘ठूलो हिस्सा’ शिक्षामा खर्च गर्दै आइरहेको छ ।
तपाईको कमेन्ट लेख्नुहोस्