एमाले जब सरकारमा जान्छ जनताले सम्झन योग्य काम गर्छ : केन्द्रिय सदस्य बोगटी

अग्नि खबर ३० बैशाख २०८२, मंगलवार २०:२२

नेकपा एमालेका केन्द्रिय सदस्य यज्ञ बहादुर बोगटिले नेकपा एमाले जुन बेला सरकारमा जान्छ त्यतिबेला जनताले सम्झन योग्य काम गर्ने गरेको बताएका छन् ।

मंगलबार नेकपा एमाले कमलबजार नगर कमिटिको दोस्रो अधिवेशनको उद्घाटन सत्रमा बोल्दै बोगटिले सो कुरा उल्लेख गरेका हुन ।

२०५१ सालदेखी हाल सम्म नेकपा एमालेको नेतृत्वमा बनेका जुनसुकै सरकारले पनि जनतालाइ दीर्घकालीन टेवा पुग्ने काम गरेको उनले उल्लेख गरे ।

कार्यक्रममा बोल्दै बोगटीले नेकपा एमालेको नेतृत्वमा बनेका स्थानिय सरकारले पनि जनताको पक्षमा काम गर्नु पर्नेमा जोड दिएका छन् ।

उनले जुन पालिकामा एमालेका उम्मेदवारले बिजय प्राप्त गरेका छन् ती पालिका अरु भन्दा फरक हुनुपर्ने उल्लेख गरेका छन् ।

नेकपा एमालेले सत्ता सम्हालेका स्थानिय तहहरुले पनि जनताले सधैं स्मरण गरिरहने गरि काम गर्न निर्देशन दिए ।

दिउँसो उद्घाटन सत्र भएको अधिवेशनको अहिले बन्द सत्र चलिरहेको छ । बन्द सत्रले नयाँ नेतृत्व चयन गर्नेछ ।

थप समाचार