उप-सचिवमा उम्मेदवारी दिने रावलको घोषणा

अग्नि खबर १३ बैशाख २०८२, शनिबार २०:१४

नेकपा एमाले अछामकि नेत्री बिन्दु रावलले उप-सचीव पदमा उम्मेदवारी दिने भएकी छन् ।

आजबाट शुरु भएको नेकपा एमाले अछामको ९ औं जिल्ला अधिवेशनमा रावलले उप-सचीव पदमा उम्मेदवारी दिने घोषणा गरेकी हुन ।

हाल जिल्ला कमिटी सदस्य तथा महिला बिभाग प्रमुख रहेकी रावलले आफ्नो दावी उप-सचिवमा रहेको अग्नि खबरसंग बताइन् ।

नयाँ नेतृत्व चयनका लागि एमाले अछामको ९ औं अधिवेशन शनिबार देखि मंगलसैनमा सुरु भएको छ ।

आज शनिबार उद्घाटन सत्र सकिएको छ । भोलि मंगलसैनमै बन्दसत्र सुरु हुनेछ ।
निर्वाचन समितिका अनुसार भोलि नै उम्मेदवारी दर्ता हुनेछ भने पर्सि मतदान गरिनेछ ।
यद्यपि अध्यक्षसहित पदाधिकारीमा सहमतिको प्रयास पनि भइरहेको नेताहरुले बताएका छन् ।

यस्तो छ रावलको राजनितिक यात्रा

सानै उमेरदेखी एमालेसंग जोडिएकी रावल २०६२ सालमा महिला अधिकार मंच अछामको अध्यक्ष बनेकि थिइन् ।

२०६६ साल देखि २०७१ साल सम्म दुई कार्यकाल अनेम संघ को निकै सकृय जिल्ला सचिब भएर काम गरेकी उनी २०७० सालमा अन्तरपाटी महिला संजालकी जिल्ला सचिब समेत बनेकी थिइन् । रावल २०७५ सालमा अन्तरपाटी महिला संजालकि जिल्ला अध्यक्ष बनिन् ।

२०७३ सालमा महिला मानव अधिकार रक्षक संजालको जिल्ला अध्यक्ष बनेकी रावल २०७९ सलको स्थानिय तहको निर्वाचनमा बान्निगढी जयगढ गाउपालिकामा नेकपा एमालेको तर्फबाट उपाध्यक्षको उम्मेदवार बनिन र काङ्ग्रेस ,माओवादिको बलियो गठबन्धनलाई पराजित गर्दै उपाध्यक्षमा विजयी बनेकी थिइन् ।