अछाममा भालुको आक्रमणबाट एक जना घाइते भएका छन् ।
जिल्लाको रामारोशन गाउँपालिका वडा नम्मर ७ शुतारमा आइतबार बेलुकी भालुको आक्रमणबाट स्थानिय मान बहादुर भण्डारी घाइते भएका हुन ।
घर देखि २ घण्टाको दुरिमा रहेको घोडेढुंगा जंगलमा बाख्रा चराउने क्रममा भण्डारीलाई भालुले आक्रमण गरी घाईते बनाएको जिल्ला प्रहरी कार्यालय अछामले जानकारी दिएको छ ।
भण्डारिको दाहिने खुट्टाको पैतला , गर्धन , दाहिने कुम र बायाँ आखामा चोट लागेको छ ।
घाइतेको स्वास्थ्य कार्यालय सुतारमा सामान्य उपचार पछि थप उपचारका लागि बयालपाटा अस्पताल पठाइएको छ ।
घाइते भण्डारीको स्वास्थ्य अवस्था मध्यम रहेको अछाम प्रहरीले बताएको छ ।
तपाईको कमेन्ट लेख्नुहोस्