तुर्माखाँदमा भोलीदेखि हुने भलिबल प्रतियोगिताको तयारी पूरा :पहिलो हुनेले २ लाख ११ हजार १ सय ११ हात पार्ने

अग्नि खबर २ जेष्ठ २०८२, बिहीबार १७:००

तुर्माखाद गाउँपालिकामा शुक्रबारदेखि शुरु हुने दोस्रो अध्यक्ष कप खुला पुरुष भलिबल प्रतियोगिताको सम्पुर्ण तयारी पूरा भएको छ ।

कालिकेश्वरी माद्यामिक विद्यालयको प्राङगणमा भोलि देखि शुरु हुने प्रतियोगिताको सम्पुर्ण तयारी पूरा भएको तुर्माखाद गाउँपालिकाका अध्यक्ष डम्बर बहादुर बिसिले जानकारी दिनुभयो ।

अध्यक्ष बिसिका अनुसार हाल सम्म प्रतियोगितामा सहभागिताका लागि ६ वटा जिल्लाका १० वटा टिम दर्ता भैसकेका छन् ।

अछाम , डोटि , दैलेख , कालिकोट ,सुर्खेत र कञ्चनपुरका विभिन्न ठाउँका १० वटा टिम दर्ता भैसकेका अध्यक्ष बिसिले जानकारी दिए ।

आयोजकका अनुसार प्रतियोगितामा प्रथम हुने टिमले नगद २ लाख १ हजार १ सय ११ रूपैयाँ, दोस्रो हुने टिमले १लाख १ हजार १ सय ११ रूपैयाँ र तेस्रो हुने टिमले ५१ हजार रूपैयाँ पुरस्कारका साथै ट्रफी, मेडल र प्रमाणपत्र पाउने छ ।

जिल्लामा भलिबल खेलमा नयाँ खेलाडी उत्पादन, खेलाडीको विकास र खेलको विस्तारका लागि यो प्रतियोगिता आयोजना गरिएको गाउँपालिक अध्यक्ष बिसिले बताए ।

बिसिका अनुसार युवाहरुलाई खेलकुदप्रति आकर्षित गर्नुका साथै राष्ट्रिय खेल भलिबलको उत्थान र नयाँ खेल प्रतिभालाई प्रोत्साहन गर्न प्रतियोगिता सञ्चालन गर्न लागिएको हो ।

ढशुक्रबार बेलुकिसम्म टिम दर्ता गरिने आयोजकले जनाएको छ ।