सरस्वती/इश्वरी मृत्यु प्रकरण : एमाले अछामद्वारा सुक्ष्म अनुसन्धान गर्न सम्बन्धित निकायको ध्यानाकर्षण

अग्नि खबर १३ माघ २०८१, आईतवार १९:३७

नेकपा एमाले अछामले ढकारीको छिन्ने वडार जङ्गलमा २ जना किशोरीहरु मृत भेट्टिएको घटनाको सुक्ष्म अनुसन्धान गरि यथासिघ्र तथ्य पत्ता लगाउन सम्बन्धित निकायको ध्यानाकर्षण गराएको छ ।

आज एक विज्ञप्ती जारी गर्दै एमाले अछामले घटनाको सुक्ष्म अनुसन्धान गरि यथासिघ्र तथ्य पत्ता लगाउन सम्बन्धित निकायको ध्यानाकर्षण गराएको हो ।

नेकपा एमाले जिल्ला कमिटी अछामका अध्यक्ष चन्द्र बोहराद्वारा हस्ताक्षरित विज्ञप्तीमा भनिएको छ ” किशोरीहरुको भौतिक शरीर मृत अवस्थामा फेला परेको असामयिक तथा अत्यन्त दर्दनाक घटनाले हामिलाइ स्तब्ध बनाएको छ ” यस घटनाको सुष्म अनुसन्धान गरि यथासिघ्र सत्य तथ्य पत्ता लगाउन सम्बन्धित निकायको ध्यानाकर्षण गराउदछौँ ।

ढकारी गाँउपालिका वडा नं ८ पल्साँताका फुपु भदै नाता पर्ने सरस्वती खड्का र र ईश्वरी इश्वरी खड्का शुक्रबार बाख्रा चराउन छिन्नेवडार जंगल गएका थिए ।

बाख्रा चराउन जंगल गएका उनिहरु बेलुकी घर फर्केका थिएनन् । अबेर सम्म घर नआएपछि सोही बेलुकीबाट उनिहरुको खोजी थालिएको थियो ।

शनिबार साँझ दुबै फुपु भदैको एउटै ठाँउमा सव फेला परेको हो ।